Patay ang usa ka drayber samtang duha ka pasahero ang naangol human mabangga ang ilang truck sa kahoy sa Sumilao, Bukidnon.
Nahitabò ang aksidente sa Sayre Highway, Lower Purok-1, Brgy. Kisolon, Sumilao, Bukidnon, niadtong milabayng adlaw. Ang maong truck gikan pa sa Malaybalay City padulong sa Cagayan de Oro.
Sumala sa imbestigasyon, misulay og overtake ang drayber apan nakalusot ang tuo nga ligid sa daplin sa dalan, maong napakyas siya sa pagkontrol ug midiretso’g bangga sa kahoy nga narra. Gidala pa ang drayber sa balay tamabalanan apan gideklarang dead on arrival, samtang ang duha ka pasahero gidala sa balay tambalanan alang sa pagpaalim.
Padayon ang imbestigasyon sa kapulisan ug gi-awhag ang mga motorista nga mag-amping sa pag-overtake aron malikayan ang disgrasya.