Drayber og pasahero sa Malaybalay nakurat sa pagtaas sa pletehan ug presyo sa gasolina

Naglisod ang mga multicab driver ug commuters sa Malaybalay, Bukidnon human sa pagtaas sa presyo sa gasolina, nga nakaapekto sa ilang adlaw-adlaw nga biyahe ug gasto sa transportasyon.

Matod ni Vernon Gorra, multicab driver, dako kaayo ang epekto sa pagtaas sa gasolina labi na sa mga driver nga nag-abang og sakyanan. Gisugyot niya nga maghatag og subsidy ang gobyerno aron matabangan ang mga drayber.

Samtang si Vonn Andre Leones, commuter ug estudyante, nag-ingon nga lisod ang biyahe tungod sa mahal nga gasolina, labi na sa mga naga-commute ug nag-abang sa boarding house.

Bisan pa man sa posibleng pagtaas sa plete, nagplano ang uban nga magtigom daan sa gasolina aron makasave sa adlaw-adlaw nga biyahe, samtang nagpaabot sa aksyon sa gobyerno.