Temporaryong giabrihan sa Department of Public Works and Highways (DPWH) ang bag-ong gitukod nga 4 lanes gravel detour road sa Bukidnon–Davao (Buda) national highway aron mahupayan ang mabug-at nga trapiko karong holiday season.
Nahimutang ang detour road ibabaw sa naguba nga bahin sa highway sa Sitio Kipolot, Barangay Palacapao, Quezon, Bukidnon, nga nalumpag niadtong Oktubre 18 tungod sa landslide. Miingon ang DPWH nga ang 460-metro nga detour temporaryong giablihan gikan Disyembre 23 hangtod 26 ug Disyembre 30 hangtod Enero 1, ug pwede agian sa tanang klase sa sakyanan lakip na ang dagkong trak.
Gipasabot sa DPWH nga isirado pag-usab ang dalan human sa peak travel days aron ipadayon ang full construction, nga gilauman mahuman ug maablihan sa tunga-tunga sa Enero 2026.