Niabot karong adlawa sa lungsod sa Quezon, Bukidnon si Department of Public Works and Highways (DPWH) Secretary Vince Dizon aron personal nga inspeksyunon ang kahimtang sa dalan ug pangunahan ang pag-abli sa detour road sa may Palacapao.
Sumala sa opisyal, kini usa ka lakang aron masiguro nga husto ang konstruksyon ug safety measures sa detour road, nga gilauman nga makapadali sa trapiko ug makahatag og mas sayon nga dalan para sa mga motorista ug lokal nga komunidad.
Gidala usab sa DPWH ang mga engineer ug site personnel aron ipakita ang progreso sa proyekto ug masiguro nga masunod ang saktong standard sa kaluwasan ug kalidad sa dalan.
Matud sa kalihim, giablihan ang maong dalan aron mabalik sa normal ang dagan sa trapiko sa maong lungsod.
Dugang pa sa opisyal nga bisan wala pa natapos ang maong dalan kinahanglan kini ablihan gumikan mukabat sa P40 milyon ang epekto nga tapyas niini sa ekonomiya sa Bukidnon. [