Nagpadangat sa ilang pahasubo ang Department of Public Works and Highways (DPWH) sa pamilya ni kanhi Undersecretary Maria Catalina Cabral.
Sumala sa pahayag sa ahensya, ang 40 ka tuig nga serbisyo sa kanhi opisyal ug ang iyang kalit nga pagkamatay pagahandomon sa tibuok organisasyon.Naghalad usab ang ahensya og mga pag-ampo alang sa kalag sa kanhi Usec.
Samtang gihangyo sa DPWH ang tanan nga tahuron ang probasiya sa pamilya ni Cabral, samtang nagpadayon kini sa ilang pagbangutan sa kalit nga pagkawala sa kanhi opisyal.Kagahapon (Disyembre 18), padulong si Cabral sa probinsya sa La Union, apan sa wala pa makaabot didto, nagpabilin una kini sa Benguet.
Nakita na lamang ang iyang lawas sa usa ka pangpang nga gibanabanang mga 30 metros ang giladmon.Una nang girekomenda sa Independent Commission for Infrastructure (ICI) nga kasuhan si Cabral tungod sa gituohang kalambigitan niini sa halapad nga korapsyon sa mga proyekto sa flood control ug uban pang public infrastructure sa nasod.
Anaa na usab sa pamilya ni Cabral ang mga gadgets diin gitoohan nga adunay makuhang importanteng impormasyon ang magamit niini kini human nga gihangyo sa Ombudsman ang mga awtoridad sa Benguet nga i-preserbar ang cellphone niini.
Samtang padayon usab ang pag awhag sa ICI nga magamit ang tanang mga importanteng dokumento nga marekober gikan kay Cabral ilabi na ang personal niini nga computer ilabi na karon nga anaa sa tunga tunga sa imbistigasyon sa anomalya sa flood control projects.
Sa laing bahin gibutyag usab ni DWPH Sec. Vince Dizon nga aduna pay usa ngadto sa duha ka kaso ang ipasaka sa ombudsman sa korte sa dili pa magpasko may kalabutan sa flood control projects.