Gihangyo sa Department of Public Works and Highways (DPWH) sa Senado nga ibalik ang gikaltas nga budget niini alang sa tuig 2026.
Mipasabot ang DPWH nga kinahanglan nilang ipatuman ang mga kausaban sa presyo sa ilang mga proyekto pinaagi sa ilang updated nga Construction Materials Price Data (CMPD). Kinahanglan kining maibalik ang gikaltas nga pondo gikan sa ahensya aron masunod ang bag-ong CMPD ug aron malikayan ang sayop nga Pagkuwenta sa ilang mga galastuhan.
Makasalig ang Senado ug Kamara nga ipatuman sa ahensya ang bag-ong CMPD sa tanan nilang engineering offices. Mahimo pa ganing mosangko sa pagpasaka og kaso ang mga dili motuman niini.
Miabot sa kapin 54 bilyones ka pesos ang gikaltas nga budget sa Senado sa DPWH, gikan sa kapin 600 bilyones ka pesos nga planong budget sa Kamara alang sa ahensya.