DOLE nagpagawas og lagda sa tukmang suhulan sa Chinese New Year

Nagpagawas ang Department of Labor and Employment kon (DOLE) og mga sumbanan kabahin sa hustong pasweldo alang sa mga mamumuo karong umaabot nga Pebrero 17, 2026, nga usa ka special non-working day atol sa pagsaulog sa Chinese New Year.

Sumala sa Labor Advisory nga gipirmahan ni DOLE Secretary Bienvenido Laguesma, ang empleyado nga mosulod sa maong adlaw bayaran og dugang nga 30 porsyento sa iyang basic nga sweldo sa unang walo ka oras.

Kung molapas sa walo ka oras ang trabaho, adunay dugang nga 30 porsyento sa kada oras.

Samtang kung ang empleyado gipapasok sa adlaw nga natumbok sa iyang pahulay, bayaran siya og dugang nga 50 porsyento sa unang walo ka oras, ug kung molapas pa sa walo ka oras, madugangan kini og 30 porsyento sa kada oras.