Gipahibalo sa Department of Justice nga nagpadayon ang proseso sa kaso sa plunder batok ni former Senator Bong Revilla Jr., bisan pa nga ang uban niyang kauban respondents gikan sa DPWH nga sila Usec. Roberto Bernardo, Engineer Henry Alcantara, ug Gerard Opolencia, wala na moapil sa kontra-salaysay gumikan gi-discharge na sila isip mga state witness sa Witness Protection Program (WPP).
Sumala ni Atty. Francesca Señga, spokesperson ni Revilla, ang katingala sa desisyon sa tulo nga dili na mo-file og counter-affidavit bisan nga na-discharge na sila sa WPP.
Gipasabot usab ni Justice spokesperson Atty. Polo Martinez nga kinahanglan gihapon ang Certificate of Materiality gikan sa Panel of Prosecutors aron kompleto ang proseso sa pag-discharge sa mga state witness.
Kini nagpasabot nga ang testimonya sa mga gi-discharge nga witnesses gihapon ang gitan-aw ug gisusi sa panel aron mapamatud-an ang mga ebidensya nga nagpunting sa kaso batok kang Revilla ug sa uban pa.
Sa pagkakaron, si Bong Revilla Jr. ra ang wala gihimong state witness ug nagpadayon sa pag-atubang sa kaso sa plunder may kalabotan sa korapsyon sa flood control projects