Kasamtangang anaa sa Code White Alert ang Department of Health (DOH) karong adlawa atol sa pagsaulog sa All Saints’ Day ug All Souls’ Day.
Sumala ni DOH Secretary Teodoro Herbosa, adunay mga emergency team nga gipuwesto sa tanang sementeryo sa nasud aron andam motabang sa emerhensiya.
Gipahibalo usab nga bisan sa mga expressway ug ubang dapit nga daghang tawo, nagbutang usab sila og emergency ambulance.
Padayon usab ang pahimangno sa DOH alang sa mga taong adunay sakit nga dad-on ang ilang mga tambal o mas maayo nga magpabilin na lang sa balay aron malikayan ang peligro.
Sa bisperas sa Undas, personal nga gilibot ni Secretary Herbosa ang pipila ka sementeryo sa Metro Manila aron masusi ang kahimtang sa kaluwasan ug kahandaan sa mga personahe.
Nagpadayag si Bise Presidente Sara Duterte sa iyang paglaum nga magpadayon ang espiritu sa panaghiusa ug pagtinabangay sa matag pamilyang Pilipino samtang gisaulog sa nasud ang paghinumdom sa Adlaw sa Tanang Santos ug Adlaw sa Tanang Kalag.