Giklaro ni Health Sec. Ted Herbosa nga dili angay ikaalarma ang bag-ong “superflu” variant dinhi sa Pilipinas.
Sa usa ka press briefing, gikumperma ni Sec. Teodoro Herbosa sa Department of Health (DOH) ang 17 ka mga local cases niini human gihimong pag-examine pag-usab sa surveillance data nunot sa nahitabong surge sa superflu sa US ug UK.Na-detect matud pa ang maong mga kaso sa Metro Manila niadtong July hangtod August sa miaging tuig ug ang tanan niini recovered na.
Nasayran nga sa pagsulod sa tuig 2026, nakatala ang mga health agencies sa Estados Unidos og dako nga pagsaka sa mga kaso sa hilanat o trangkaso nga gikan sa influenza A H3N2 subclade K variant.
Sumala sa US Centers for Disease Control and Prevention (CDC), gibanabana nga 11 ka milyon ka mga tawo na ang nasakit diin mokabat sa 120,000 ang nalanding sa balay tambalanan ug anaa na sa 5,000 ang namatay.Taliwala niini, padayon nga nagrekomendar ang DOH sa pagpabakuna.
Giawhag usab niini ang publiko sa paghimo og mga basic health precautions lakip na ang pagpabilin sa balay kung adunay sakit ug ang pagsulob og face masks aron malikayan ang pagkaylap sa impeksyon.