Hingpit nga nagmando ang Department of Energy (DOE) sa mga oil companies ug gasolinahan nga sundon ang fuel pricing rules aron malikayan ang hoarding ug ilegal nga pagsaka sa presyo sa petrolyo.
Gimanduan sa Department of Energy (DOE) ang tanang oil companies ug gasolinahan nga sundon ang kasamtangang fuel pricing rules aron malikayan ang hoarding ug bisan unsang dili awtorisadong pagtaas sa presyo sa petrolyo, ilabina karon nga posible mosaka ang presyo tungod sa kagubot sa Middle East.
Sumala sa direktiba ni Presidente Ferdinand R. Marcos Jr., gipakusog usab ang monitoring ug inspeksyon sa mga gasolinahan uban sa tabang sa Department of the Interior and Local Government (DILG) ug Philippine National Police (PNP).
Matod sa DOE, padayon nilang ginabantayan ang lihok sa presyo sa mga gasolinahan aron masiguro nga dili maabuso ang mga motorista ug konsumidor.
Samtang ang kasamtangang pump price range sa mga produktong petrolyo gikan Marso 6 hangtod Marso 9:
Gasoline RON 97/100: ₱53.70 – ₱76.50 kada litro
Gasoline RON 95: ₱50.00 – ₱71.04 kada litro
Gasoline RON 91: ₱49.00 – ₱64.70 kada litro
Diesel: ₱49.00 – ₱66.59 kada litro
Diesel Plus: ₱56.80 – ₱74.81 kada litro
Kerosene: ₱78.90 – ₱99.89 kada litro
Gipahinumdum usab sa DOE nga hugot nga gidili ang hoarding ug ilegal nga pagbaligya sa petrolyo ubos sa Batas Pambansa Blg. 33 nga giamyendahan sa Presidential Decree No. 1865.
Ang kinsa mang mapamatud-ang nakalapas sa maong balaod mahimong pahamtangan og silot ug kanselasyon sa permit sa operasyon.