Gisiguro sa Department of Energy nga magpadayon ang fuel discount programs alang sa mga motorista taliwala sa pagsaka sa presyo sa lana gumikan sa tensyon sa Middle East.
Sumala sa ahensya, nakig-alayon na sila sa mga kompanya sa petrolyo aron mapadayon ang mga programa sama sa discount days, loyalty cards ug uban pang promos alang sa mga drayber sa PUV, TNVS, delivery riders ug uban pang motorista.
Samtang kalabot niini, gipasalig sa DOE nga naka–high alert ang ilang buhatan batok sa posibleng hoarding ug profiteering sa pagbaligya sa produktong petrolyo.
Nangayo usab kini og tabang sa Department of the Interior and Local Government ug Philippine National Police aron masiguro ang dinaliang aksyon batok sa mga molapas sa balaod ubos sa Price Act.