Midaug ang “Eraserheads: Combo on the Run” sa 2025 Ierapetra International Documentary and Film Festival.
Nakadaog kini sa titulo nga International Feature Documentary Award nga gipahigayon sa Crete, Greece.
Personal nga gidawat sa direktor sa pelikula nga si Maria Diane Ventura ang maong pasidungog.
Napildi niini ang 38 ka laing entries nga gikan sa mga nasod nga Italy, Hungary, Spain, US, ug Portugal.
Kini nga dokumentaryong pelikula mao usab ang una nga hinimo sa Pinoy nga napasalida sa San Diego Comic-Con.
Nagatuki kini sa mga kalampusan sa bantog nga banda sa dekada ’90 nga Eraserheads, nga gilangkuban nila Ely Buendia, Raymund Marasigan, Buddy Zabala, ug Marcus Adoro.
Pipila sa mga kantang ilang gipasiugdahan mao ang “Pare Ko,” “Alapaap,” “Ang Huling El Bimbo,” “Magasin,” ug daghan pa.