Opisyal na nga “off the market” ang sikat nga singer ug songwriter sa hit song nga “Sining” nga si Dionela human niya gipakaslan ang iyang long-time partner nga si Agatha Jarin.
Gipahigayon ang maong nindot ug intimate nga seremonya sa kasal niadtong Martes (Marso 31, 2026) didto sa Baguio City.
Sa mga nanggawas nga hulagway sa social media, makita ang kamalipayon sa bag-ong magtiayon samtang gilibutan sa ilang pamilya ug suod nga mga higala. Nagsul-ob si Dionela og elegante nga itom nga suit, samtang si Agatha mibida sa iyang matahom nga puti nga wedding gown.
Kahinumduman nga nahimong viral ang ilang engagement niadtong miaging tuig, ug daghang mga fans ang nalipay nga sa katapusan, natuman na ang ilang damgo nga maghiusa isip bana ug asawa.