Department of the Interior and Local Government, gikaingong dili mapul-an sa pagpangita kang Atong Ang

Dako ang pagtuo ni Department of the Interior and Local Government Secretary Jonvic Remulla nga anaa pa sa Pilipinas ang negosyanteng si Charlie Atong Ang.

Matud pa ni Remulla, nga dili kini mohunong sa pagpangita kang Ang taliwala nga anaa na sa kapin 80 ka raid ang gihimo alang sa posibleng nahimutangan niini.

Dugang pa niini, nga lisod alang sa maong negosyante ang pagtago-tago sa gawas sa nasud bisan pa man og daghan kini og kwarta.

Matud pa, nga pangitaon ug sutaon niini ang tanang impormasyon nga posibleng gitagoan ni Ang.

Kahinumdoman nga gipasaka ngadto sa P20-million ang reward money aron makit-an ang negosyante nga gikaingong utok sa pagkahanaw sa mga sabungero.