Palig-onon pa sa Department of Finance (DOF) ang mga lagda sa online gambling, lakip ang pagdili sa mga empleyado sa gobyerno ug sa mga menor de edad nga wala pa mag-21 anyos sa pag-apil niini.
Lakip usab sa plano ang pagdili sa mga government-owned-and-controlled corporations (GOCCs) nga mamuhunan sa mga kompanya nga nag-operate og online gambling.
Gisuta karon sa DOF ang P1 bilyon nga investment sa GSIS sa DigiPlus ug gisiguro nga walay bisan usa ka pondo sa Maharlika Investment Fund nga gi-invest sa online nga sugal.
Gitun-an usab sa ahensya ang posibilidad nga pataason ang buhis sa maong industriya gikan sa 25% ngadto sa 45% sa gross gaming revenues (GGR).
Sa umaabot, magpahigayon sila og summit aron hisgutan ang mga isyu gamit ang whole-of-government approach.
Dugang pa, gipahibalo nga nagpadayon ang gobyerno sa pagpangita og mga paagi aron malikayan nga mahimong adik sa sugal ang mga Pilipino.