Dennis Schroder suspindido og 3 ka duwa human gi-kompronta si Luka Doncic

Gisuspinde sa tulo ka duwa ang Sacramento Kings guard nga si Dennis Schroder human kini gituohang nakigkompronta ug misulay sa pagpasakit usa pa ka NBA player pagkahuman sa usa ka duwa.

Bisan pa man, wala gisulti sa NBA kinsa ang player nga gi-kompronta ni Schroder, apan unang nataho nga kini mao si Luka Doncic, ang star player sa Los Angeles Lakers.

Sumala sa NBA, gisundan ni Schroder si Doncic sa hallway sa arena diin gihimo ang duwa ug didto nagkalalis ang duha ka magdudula.

Giingong wala’y multa ang maong suspensyon ni Schroder.

Samtang, ipatuman kini sa umaabot nga duwa sa iyang grupo diin makig-atubang ang team ni Schroder sa Houston Rockets, apan dili usab siya makadula kontra sa Lakers ug sa musunod nga duwa sa New York Knicks.