Subling gipadayon ang deliberasyon sa House of Representatives kabahin sa duha ka verified impeachment complaints batok kang Vice President Sara Duterte tungod sa alegasyon sa pag-abuso sa gahum ug pagbudhi sa pagsalig sa katawhan.
Ang mga reklamo gi-endorso sa nagkalain-laing mga kongresista ug nagpunting sa gikaingong paggamit sa impluwensya aron mapugngan ang potensyal niini sa umaabot nga 2028 elections.
Sa pakighinabi sa Bombo Radyo Malaybalay kang Atty. Proculo Sarmen, gibutyag niini nga dakong hulga sa mga local candidates ang presensya sa bise presidente sanglit dili kini ma-convict pinaagi sa impeachment.
Lakip sa gitan-aw sa deliberasyon ang mga report sa giingong pagpanghulga ug pagpresyur sa mga lokal nga lider, samtang ginapaabot pa ang dugang nga pagsusi sa maong mga alegasyon.
Apan, gikabak-an sa abogado nga naka-concentrate na ang huna-huna sa mga mambabalaod imbestutukan ang dagkong isyu sa nasud ug ang posibleng epekto sa ekonomiya sa nagpadyon nga tensiyon sa Iran.
Sa pikas bahin, gikonsidera nga usa ka maayong lakang ang withdrawal sa pipila ka proceedings sa impeachment case batok kang Vice President Sara Duterte nga giaprobahan sa House Committee on Justice.
Sumala ni Atty. Proculo T. Sarmen, usa ka inilang legal expert, ang maong desisyon makatabang aron mapaspasan ang dagan sa hustisya ug malikayan ang sobra nga kalangan sa Kongreso.
Gipasabot ni Sarmen nga pinaagi sa pag-withdraw sa pipila ka mga lakang, maminosan ang taas nga deliberasyon nga sagad mokaon og dako nga pondo ug mamahimong dehado ang katawhan.