Gidayeg sa daghang netizens ang aktres nga si Jodi Sta. Maria human gipahibalo ang pag-enroll sa Master of Arts in Psychology, nga adunay specialization sa Family Life Development.
Matud pa sa actress, bisan pa man sa mga “setbacks” ug pagkalangan sa plano, dako ang pasalamat nga natuman na ang tinguha sa saktong panahon.
Pinaagi sa facebook post gipaambit ang maong mensahe, gipasiugdahan ang panultihon nga “Delayed doesn’t mean denied”.
Alang sa unang semester, ang aktres mokuha og siyam ka units nga naglakip sa mga subjects nga Family Dynamics and Mental Health, Child Care and Adolescent Development, ug Adulthood and Aging.
Kahinumduman nga niadtong 2021, malampusong natapos ang Bachelor’s Degree sa Psychology isip usa ka dean’s lister.