Mupahigayon og laing hugna sa pag-usbaw sa presyo sa lana ang mga kumpanya sa petrolyo sa nasud sugod ugma sa buntag, Pebrero 3, 2026.
Sumala sa managlahing advisory sa mga dagkong oil companies ang kantidad sa usbaw matag litro sa Gasolina dunay usbaw P0.80. Sa Diesel musaka ngadto sa P1.60 ug Kerosene, mu-osbaw kini og P1.10.
Kini na ang ika-upat nga sunod-sunod nga semana nga miusbaw ang presyo sa gasolina, samtang ika-unom na kini nga semana alang sa diesel ug kerosene karong tuiga.
Matud sa Department of Energy (DOE), ang maong pagsaka resulta sa nagpadayon nga tensyon sa Middle East, partikular na ang isyu tali sa US ug Iran, lakip na ang mga problema sa supply human sa mga winter storm sa Amerika ug power disruption sa mga oil fields sa Kazakhstan.
Tungod niini, gilauman usab ang epekto niini sa pletehan ug presyo sa mga palaliton sa merkado sa musunod nga mga adlaw.