Nagdeklara og class suspension ang syudad sa Valencia gikan sa Pres-chool hangtud na sa high school level tungod sa padayon nga pag-ulan nga nasinati gikan alas-10:00 pa kagabii, Pebrero 19, 2026.
Kini sumala sa City Disaster Risk Reduction and Management Office (CDRRMO), diin girekomenda ang pagsuspendi sa klase ug trabaho sa teaching ug non-teaching personnel sa mga tulunghaan aron masiguro ang kaluwasan sa mga estudyante.
Lakip sa mga nagsuspendi og mga klase mao ang lungsod sa Cabanglasan, Lantapan, Kibawe ug lungsod sa Maramag.
Base sa pinakabag-ong weather forecast, ang tanang 31 ka barangay sa Valencia City gilauman nga padayon nga makasinati og dag-om uban sa light ngadto heavy rains tungod sa shearline.
Sa pakighinabi sa Bombo ngadto na kay Raul Montilla, Weather Specialist I sa Philippine Atmospheric, Geophysical and Astronomical Services Administration kon (PAGASA) sa dakbayan sa Malaybalay, ang Heavy Rainfall Warning #8 alas-2:00 sa kaadlawon karong Pebrero 20, 2026, nga nagpakita nga padayon nga maapektuhan sa grabeng pag-ulan ang probinsya sa Bukidnon.
Nagpadayon ang lokal nga panggamhanan sa paghatag ug dugang updates kung gikinahanglan, samtang giawhag ang publiko nga magmatngon ug mag-amping posibleng peligro sama sa pagdahili sa yuta tungod sa kusog nga ulan.
Dugang pa ni Montillo, ginabantayan usab ang dagan sa kakusgon sa hangin samtang lauman nga moabtan pa og pipila ka adlaw ayha makabalik sa normal ang kondisyon sa panahon.
Matud pa niini nga lauman ang moderate ug constant lamang nga kakusgon sa ulan hangtud sa mga mosunod nga mga adlaw..