- Advertisement -
Posibleng patas-an sa Department of Agriculture (DA) ang taripa o buhis sa mga imported nga artificial sugar aron maprotektahan ang lokal nga industriya sa asukar sa nasud.
Matud ni Agriculture Secretary Francisco Tiu Laurel Jr., tumong niini nga mas mapalig-on ang demanda sa lokal nga asukar ug matabangan ang mga mag-uuma. Gipasabot sa opisyal nga ang barato nga presyo sa mga artificial sweeteners nga gikan sa gawas maoy usa sa mga rason ngano nga dili kaayo mahalin ang asukar nga ginama dinhi sa Pilipinas.
Sa pagkakaron, ginasusi pa sa DA ang saktong porsiyento sa ipatuman nga usbaw sa taripa sa dili pa kini pormal nga isugyot sa gobyerno.
- Advertisement -