Daghan sa mga Pilipino karon ang naningkamot nga makasulod sa public service ug ang unang lakang niini mao ang pagpasa sa Civil Service Examination.
Usa sa mga determinadong takers mao si Aldrin Nuyda, taga-Wao, Lanao del Sur nga mibyahe ug kapin sa usa ka gatos ka kilometro aron lamang makafile para sa umaabot nga Civil Service Exam karong Marso 8, 2026.
Saysay pa ni Nuyda nga usa sa iyang pamaagi aron maka study mao ang pag self review ug pagbasa sa mga tuturial sa social media
Base sa datos sa Civil Service Commission (CSC), gipagawas niadtong Oktubre 13, 2025 ang pinakabag-ong resulta sa Career Service Examination alang sa August 10, 2025 Pen and Paper Test.Sa maong eksaminasyon, 50,096 sa 331,675 ka examinees ang nakapasar o 15.10% nga passing rate. Sa Professional Level, 45,730 ang nakapasar, samtang 4,366 naman sa Subprofessional Level.
Kini nagpakita unsa ka lisod pasaron ang examinisyon apan determinado si Nuyda nga makapasar bisan pa man kaduha ka higayon na kini mag exam sa sunod tuig.
Dinhi sa Bukidnon, pwede na mag-file ang mga interesado sa CSC Field Office Bukidnon nga nahimutang sa Capitol Compound, Barangay 9, Dakbayan sa Malaybalay. Ang filing alang sa March 8, 2026 Career Service Exam (CSE-PPT) nagsugod na niadtong Nobyembre 3, 2025 ug magpadayon hangtod Enero 2, 2026 o hangtod mapuno ang mga slots.