Namatikdan ang crater glow sa baba sa Bulkang Mayon kagabii pasado alas 7:00, Enero 7.Sumala ni Mariton Bornas, Chief sa Volcano Monitoring and Eruption Prediction Division sa PHIVOLCS, sa interview sa Bombo Radyo kini tungod sa pag-init sa atmospera sa ibabaw sa bulkan tungod sa kainit sa volcanic gas nga naggikan sa magma sa baba niini.
Gipasabot ni Bornas nga tungod niini, gilauman ang posibleng lava flow bisan unsang orasa kon malihok ang lava sa baba sa bulkan. Ang mga natala nga rockfall karon nagpasabot nga adunay nagduso sa baba sa bulkan.kini mao ang bag-ong lava nga nagpagawas sa mga karaan ug natapok na nga lava flow.
Tungod sa maong sitwasyon, nagpahinumdom ang opisyal sa mosunod.Likayan ang pagsulod sa 6-kilometer Permanent Danger Zone (PDZ), ilabi na sa habagatang bahin sa bulkan tungod sa peligro sa volcanic hazards.
Ang mga residente nga anaa sa sulod sa 6-kilometer radius kinahanglan nga naka-evacuate na ug musunod sa mga pahimangno sa lokal nga kagamhanan.
Giawhag usab ang mga turista nga dili na magpadool sa bulkan ug mu-obserbar na lamang sa mga luwas nga lugar.