Dili kwestiyonable ang pagahimuong Confirmation Charges batok kang kanhi presidente Rodrigo Duterte.
Giklaro ni Atty. Oscar S. Moreno, usa ka Law Professor ug Corporate Lawyer, nga ang pagpanginlabot sa International Criminal Court (ICC) sa bisan unsang reklamo dili awtomatiko ug nag-agi kini og ugot nga proseso.
Sa pamahayag niini, gipasabot ni Moreno nga adunay gihimong “preliminary investigation” ang ICC nga mahimong molungtad og labing menos usa ka tuig.
Matud pa niini, dili pasabot nga kon adunay reklamo, mosulod dayon ang ICC. Kinahanglan una nilang makumbinsir ang ilang kaugalingon nga adunay igong basehan o “grounds” aron sila manginlabot.
Dugang pa ni Atty. Moreno, gikinahanglan ang saktong imbestigasyon sa dili pa mohimo og bisan unsang lakang ang maong korte aron maseguro nga dunay legal nga rason ang ilang pag-apil sa usa ka kaso. Gitumbok niini nga ang ICC,nagsubay sa tukmang proseso o due process