Mikanaog na usab si Rossana Fajardo isip commissioner sa Independent Commission for Infrastructure (ICI), epektibo sa Disyembre 31, 2025.
Sa iyang gipagawas nga pahayag, wala kini mipagawas og rason sa iyang desisyon ug wala usab kini gihatag nga detalye kon kinsa ang mahimong temporaryong mohulip sa iyang pwesto.Gitawag ni Fajardo ang iyang lakang nga usa ka “courtesy resignation,” nga kasagaran buhaton aron maghatag og dalan sa bisan kinsa nga itudlo sa appointing authority.
Ang iyang pagbiya misunod human mikanaog si kanhi Sec. Rogelio Singson, usa usab ka commissioner sa ICI, nga nagresign sayo ning buwana.
Sa laing bahin gisaway ni Mamamayang Liberal (ML) Party-list Rep. Leila de Lima nga posibleng mawala ang Independent Commission for Infrastructure (ICI) human mikanaog si Rossana Fajardo isip commissioner.
Matud pa ni de Lima, dugay na nga kulang ug huyang ang gahum sa flood control panel, busa kinahanglan na unta nga matukod ang usa ka Independent Commission Against Infrastructure Corruption (ICAIC).
Ang ICAIC mao ang gisulong nga anti-corruption body nga adunay investigative ug prosecutorial powers, nga dili sakop kasamtangang ICI.