Gianunsyo sa Commission on Elections kon Comelec nga sayo nga sugdan ang voter registration sa Bangsamoro Autonomous Region in Muslim Mindanao kon BARMM alang sa Barangay ug Sangguniang Kabataan Elections kon BSKE ug sa Bangsamoro Parliamentary Election kon BPE, isip lakang aron malikayan ang posibleng disenfranchisement sa mga botante sa rehiyon.
Matud ni Comelec Chairman Atty. George Erwin M. Garcia, gikinahanglan ang mas sayong pagrehistro sa BARMM tungod gilauman nga mas una ipahigayon ang Bangsamoro Parliamentary Election kumpara sa ubang piniling eleksyon sa nasud.
Sigon niini, importante nga hapsay ug mapalig-on ang pag-andam sa listahan sa mga kwalipikadong botante.
Gipahibalo niini nga ang voter registration sa BARMM ipahigayon gikan Pebrero 9 hangtod Marso 30, 2026, ug lakip niini ang implementasyon sa Register Anywhere Program nga nagtugot sa mga residente sa BARMM nga makapagparehistro bisan anaa sa ubang rehiyon, basta kwalipikado ug adunay balidong identification.