Hingpit nga gipangandaman sa Commission on Elections (COMELEC) sa siyudad sa Malaybalay ang umaabot nga Barangay ug Sangguniang Kabataan (SK) Elections nga gikatakda karong Nobyembre 2.
Sumala ni Atty. Danilo N. Dividina, Election Officer sa maong siyudad, bisan pa aduna nay gipagawas nga schedule ang COMELEC En Banc, nag-unang gitutukan karon mao ang pagtapos sa registration period nga nagsugod niadtong Oktubre 20 ug molungtad hangtod sa Mayo 18.
Gipasabot ni Dividina nga mahinungdanon kini nga mapahimuslan sa mga residente aron makabutar sila sa umaabot nga piniliay.Â
Gipahibalo sa COMELEC-Malaybalay ang schedule sa pag-file sa Certificate of Candidacy kon (COC) alang sa mga aspirants sa Barangay ug SK Elections sugod karong Septyembre 28 hangtod Oktubre 5.
Hugot usab nga gipahinumdom ni Atty. Danilo N. Dividina nga gidili ang pagpangampanya gikan Septyembre 28 hangtod Oktubre 21 bisan pa man og nakaduso na ang kandidato sa iyang COC.