Giisip nga usa ka paagi aron mapugngan sa pagdagan si Vice President Sara Duterte sa 2028 National Election ang bag-ong impeachment complaint nga gisumite sa House of Representatives niining semanaha.
Sa pagkakaron, ginasusi pa sa House Committee on Justice ang porma ug legalidad niini sa dili pa dad-on sa plenaryo.
Sa pakighinabi sa Bombo Radyo Malaybalay kang Atty. Danilo Dividina, Election Officer sa COMELEC–Malaybalay, gibutyag niini nga pulitikal ang motibo sa impeachment nga gisang-at sa pipila ka sektor ug mambabalaod batok sa bise presidente.
Dugang pa niini, nga si VP Sara usa ka front-runner nga kandidato sa pagka-presidente sa umaabot nga piniliay, busa hingpit ang tinguha sa pipila ka mambabaod nga mapalagpot kini sa pwesto ug kuhaan og katungod nga mamahimong opisyal sa nasud.
Dugang pa ni Atty. Dividina nga ang maong lakang usa ka prebilihiyo sa mga ubang opisyal sa Senado ug Kongreso nga mohulip sa posisyon sa pagkapreisdente o bise presidente sanglit matang-tang sa katungdanan ang kasamtangang mga lideres sa nasud gumikan dili na kini mamahimong mudagan pag-usab sa bisan unsang posisyon sa kagamhanan.