Gipatulan sa aktres nga si Coleen Garcia ang pipila ka netizen nga naghatag og mga pamahayag ug pagtagna kabahin sa gender identity ug umaabot nga sekswalidad sa anak niini nga si Amari, human kini mipaambit sa social media og hulagway sa bata nga nagkupot og bulak.
Matud ni Coleen, sayop ug makadaot ang pagtuo nga ang hilig o interes sa usa ka bata maoy basihan sa gender identity, ug giila nga ang paghigugma ni Amari sa mga bulak ug kinaiyahan nagpakita lamang sa pagka-curious ug pagpalangga sa kinaiya.
Hugot niining gisalikway ang komento sa usa ka netizen nga nag-ingon nga ang mga batang lalaki nga ganahan og bulak adunay taas nga posibilidad nga mahimong bayot.
Gi-awhag niini ang publiko nga hunongon ang pagbutang og label sa mga bata ug tugotan nga magdako nga gawasnon, wala’y paghukom ug wala’y pag-stereotype.