COA nagpagawas og ₱84M disallowance sa Oriental Mindoro flood project

Nag-isyu ang Commission on Audit kon (COA) og ₱84 milyong notice of disallowance gikan sa ₱289 milyong pondo sa gikaingong substandard nga flood control project sa Naujan, Oriental Mindoro, sumala ni COA Region 4B auditor Victoriano Acosta.

Atol sa bail hearing sa mga kanhi opisyal sa DPWH nga nag-atubang og kasong malversation, gipahayag ni Acosta nga ang proyekto wala matuman subay sa plano ug specifications.

Apan giingon sa depensa nga appealable pa ang notice of disallowance ug dili pa pinal, nga gikumpirma usab sa COA.

Samtang kabahin niini, gipamulta sa Sandiganbayan Sixth Division og ₱1,000 ang mga prosecutor tungod sa ulahi nga pagsumite sa ebidensiya. Mobalik sa witness stand si Acosta sa Pebrero 9.