Giawhag ni Akbayan Party-list Representative Chel Diokno ang kagamhanan nga ipaubos sa “close audit” ug hugot nga monitoring ang tanang mga proyekto nga gihuptan sa mga kontraktor nga nalakip karon sa Witness Protection Program (WPP).
Kini human miguwa ang mga taho nga pipila ka mga kontraktor nga nalambigit sa mga anomaliya sa flood control projects ang napaubos sa proteksyon sa gobyerno isip mga state witness.
Matud ni Diokno, bisan pa man og nanalipod sila sa balaod, kinahanglan gihapon nga masiguro nga ang ilang mga kasamtangang proyekto nakasunod sa saktong sukdanan ug wala’y binuang sa pundo sa katawhan.
Gipasiugdahan sa batan-ong magbabalaod ang kamahinungdanon sa transparency ug accountability aron dili masubli ang mga “ghost projects” ug substandard nga mga imprastraktura nga nahimong mantsa sa nangaging mga administrasyon.