Giklaro sa City Veterinary Office sa Malaybalay City ang kalisod sa pagdumala sa nagkadaghan nga mga stray dogs o laaw nga iro sa syudad.
Sumala ni Dr. Omar T. Cahanap, Veterinarian lll Spokesperson sa City Veterinary Office , nga ang sobra ka paspas nga reproduction rate sa mga iro ug ang kawalay responsibilidad sa uban nga tag-iya nagpadako sa problema.
Sa panahaon mahurot ang tambal sa euthanasia, mapugos ang opisina nga maghulat aron mapadayon ang operasyon sa pagdakop ug pag-regulate sa mga iro.
Adunay pound ang syudad apan limitado ra ang kapasidad niini, 20 hangtod 30 ka iro lang. Ang mga iro nga madakop ihatag sa tag-iya sulod sa tulo ka adlaw, ug kung wala, i-euthanize kini sumala sa balaod, samtang ang mga ulo ipadala sa Cagayan para sa rabies monitoring.
Ang opisyal nagpahimangno nga kung walay kapasidad ang pamilya sa pagbuhi og iro, mas maayo nga dili magbuhi og iro.