Hugot nga mangandam ang Cybercrime Investigation and Coordinating Center (CICC) batok sa nagkadaiyang “love scams” dungan sa pagsulod sa bulan sa Pebrero o ang Love Month.Pinaagi sa kampanyang “AI AI AI Feb-Ibig,” tinguha sa ahensya nga muhatag og saktong impormasyon ug edukasyon sa publiko aron dili mabiktima sa mga malinglahong indibidwal online.
Kini ang gibutyag ni Acting Executive Director, Usec. Aboy Paraiso nga kasagaran musaka ang kaso sa love scamming human sa Pasko, hinungdan nga kinahanglan ang kooperasyon sa pribadong sektor sama sa Google ug Scam Watch.
Giawhag sa CICC ang katawhan nga magmatngon sa mga “red flags” ug i-report dayon ang bisan unsang kadudahang kalihokan.
Gipasalig sa ahensya nga abli ang ilang hotline 1326 sulod sa 24 oras aron muhatag og dinaliang aksyon sa mga reklamo. Mahimo usab silang makontak pinaagi sa ilang opisyal nga mga social media pages sa Facebook, TikTok ug Instagram.