Opisyal na nga miretiro si Chris Paul sa pagdula niini sa NBA.
Gipahibalo kini human gibuhian kini sa Toronto Raptors sunod sa tulo ka team trade sa Los Angeles Clippers.
Sa social media account niini, ang 12-time NBA All-Star, miluwat nga nakahukom kini nga moretiro human sa 21 ka tuig sa NBA.
Dugang pa sa 40-anyos nga si Paul, nga bisan og nahuman na ang chapter niini isip NBA player, dili kini pasabot nga matangtang na sa kinabuhi niini ang basketball.
Sulod sa tulo ka dekada, gikaingong ang kinabuhi niini mituyok na sa basketball.
Gikonsidera niini, nga blessing ang career sa NBA diin adunay mga maayo ug dili maayong mga butang nga nahitabo apan gihatagan niini og respeto ang matag dula.
Si Paul o nailhan nga CP3, ang abbreviation sa ngalan ug jersey number niini, maoy 4th overall pick sa 2005 NBA Draft.
Kahinumdoman nga nagdula kini alang sa New Orleans Hornets, Clippers, Houston Rockets, Oklahoma City Thunder, Phoenix Suns, Golden State Warriors ug San Antonio Spurs.