Gianunsyo sa Armed Forces of the Philippines kon AFP nga gi-lock sa usa ka barkong panggubat sa China ang fire control radar sa BRP Miguel Malvar kon FFG6 samtang nagpahigayon kini og patrol duol sa Sabina Shoal kaniadtong Marso 7, 2026.
Matud ni Rear Admiral Roy Vincent Trinidad, delikado ug “provocative” ang maong aksyon gumikan makamugna kini og dili pagsinabtanay ug tensyon sa kadagatan.
Ang barko sa Pilipinas, niisyu gilayon og radio challenge, nga gisundan sa Chinese vessel human kini mi-withdraw sa radar.
Ang Sabina Shoal nahimutang sulod sa exclusive economic zone kon EEZ sa Pilipinas sa West Philippine Sea, nga padayong gailogan sa Pilipinas ug China.
Bisan pa niini, gipasalig sa AFP nga ang mga patrol niini magpadayon sa pagpanalipod sa soberanya ug katungod sa nasud, samtang nanawagan alang sa usa ka malinawon ug gibase sa mga rules-based nga resolusyon sa panagbangi.