Naaresto sa Angeles City ang ikatulo nga suspek sa human trafficking case nga gikalambigitan ni kanhi presidential spokesman Atty. Harry Roque ug negosyanteng si Cassandra Ong, sumala sa Criminal Investigation and Detection Group (CIDG).
Ang suspek usa ka 44-anyos nga Chinese national ug giilang si alyas nga “Boss Terry”, nga gikaingong administrative officer sa POGO hub nga Lucky South 99 sa Porac, Pampanga. Ang suspesado gituohang nagdumala sa pagpanakit sa mga Chinese POGO workers.
Ang pag-aresto gihimo pinaagi sa warrant of arrest gikan sa Angeles City Regional Trial Court Branch 118 niadtong Mayo tungod sa paglapas sa Anti-Trafficking in Persons Act, ug wala’y gihatag nga piyansa.
Nag-una nang naaresto ang duha pa ka akusado sa lain-laing operasyon sa Mabalacat City ug Clark.
Samtang, si Atty. Roque kasamtangang anaa sa Netherlands human mangayo og asylum, ug samtang si Cassandra Ong posibleng anaa sa China, bisan pa ang Bureau of Immigration wala’y rekord sa iyang pagbiyahe gikan sa Pilipinas.