China, wala’y planong mosulong sa Taiwan karong 2027 — US Intel

Base sa tinuig nga report sa intelligence sa Amerika, nigawas nga wala’y plano ang China nga sulongon ang Taiwan karong tuiga o sa 2027. Sumala sa Annual Threat Assessment report, wala usab sila’y gitakda nga timeline alang sa hingpit nga pag-usa o unification sa duha ka nasod.

Bisan pa man og duna’y mga nanggawas nga kabalaka kaniadto gikan sa US Department of Defense, nasayran karon nga nasayod ang mga opisyal sa China nga lisod ug dako ang posibilidad nga mapakyas ang pagsulong pinaagi sa dagat, ilabi na kon manginlabot ang Estados Unidos. Sa pagkakaron, gitan-aw sa China ang mas taas nga timeline alang sa ilang national rejuvenation nga gipaabot pa sa tuig 2049.