China gipanghimakak ang alegasyon nga nalambigit sa pag-ispiya

Gipanghimakak sa Embassy of China in the Philippines nga nalambigit ang China sa pang-ispiya.

Sumala sa tigpamaba sa embahada nga si Ji Lingpeng, hugot nga gisunod sa China ang prinsipyo sa non-interference o dili manghi-labot sa internal nga butang sa ubang nasud.

Gikondena usab nila ang pahayag sa National Security Council bahin sa alegasyon sa pang-ispya.

Kahinumduman nga gibutyag sa NSC nga adunay pipila ka empleyado sa gobyerno nga nadakpan tungod sa pagkalambigit sa espionage, ug giingon nga gibayran sila sa China aron maghatag og sensitibo nga impormasyon.