Opisyal nang mobalhin sa Boston Celtics ang All-Star center nga si Nikola Vucevic human ang nahitabong trade tali sa Chicago Bulls, samtang nagkaduol ang deadline sa NBA trade karong Pebrero 6.
Base sa impormasyon nga nanggawas, nakuha sa Celtics ang serbisyo ni Vucevic isip baylo sa batan-ong guard nga si Anfernee Simons ug usa ka second-round pick. Si Simons nakuha lang sa Boston niadtong Hulyo 7, 2025, human gibaylo ang 2-way player nga si Jrue Holiday.
Niining kasamtangang season, si Vucevic nagpakita og maayong performance diin nag-average siya og 16 points ug 9 rebounds matag dula.
Ang maong bigman nailhan sa iyang taas nga panahon sa Orlando Magic sulod sa siyam ka season sa wala pa mabalhin sa Bulls niadtong 2020-2021, diin nahimo kining All-Star og kaduha ka higayon.
Sa pikas bahin, ang Bulls makakuha og lig-on nga shooter kang Simons kinsa adunay average nga 14.2 points ug impresibong 39.5% accuracy gikan sa three-point line sa mubo niyang pagpuyo sa Boston.Gilauman nga mas modaghan pa ang mahitabong trade sa mosunod nga duha ka adlaw sa dili pa hingpit nga matapos ang trade deadline sa liga.