Gipadayag ni Palace Press Office Undersecretary Claire Castro nga wala’y plano sa Malacañang nga usisahon ang charter change (cha-cha) sa pagkakaron, bisan pa suportado kini ni Senate President Tito Sotto.
Sumala sa palasyo, nakatutok karon ang pangulo sa ekonomiya ug wala kini’y gihisgutan sa iyang bag-ong meeting sa economic team.
Apan matud ni Usec Castro nga kung adunay mga lakang bahin sa cha-cha, pagatun-an kini sa presidente.
Sumala ni Senator JV Ejercito, nga lisod na nga mausab ang konstitusyon sa ilawom sa termino ni Pangulong Marcos Jr..
Sa pikas bahin, miluwat usab si Rep. Perci Cendaña, nga dili pa kini ang angay nga panahon para sa pagbag-o sa saligang batas, gumikan mahimo kining magamit alang sa anti-people nga mga amendments.
Ang kasamtangang konstitusyon gisulat pa niadtong 1987, diin hapit na upat ka dekada, mao nga adunay mga mambabalaod nga nagtan-aw nga kinahanglan na kini i-update.