Charter Change dili prayoridad sa Administrasyon – Usec. Claire Castro

Giklaro sa Malacañang nga dili prayoridad ni Presidente Ferdinand Marcos Jr. ang Charter Change (Cha-Cha).

Imbes nga usbon ang konstitusyon, mas nakatutok ang administrasyon sa pagpalig-on sa ekonomiya, ilabi na human niubos ang GDP growth sa nasud ngadto sa 4.4% niadtong 2025 tungod sa mga kalamidad ug mga isyu sa korapsyon.

Kini ang gibutyag ni Palace Press Officer Usec. Claire Castro matud pa niini nga andam ang Presidente nga tun-an ang Cha-Cha kon duna nay konkretong lakang ang Kongreso.

Kini human nipadayag og suporta si Senate President Tito Sotto sa pag-usab sa Batakang Balaod tungod sa iyang kasubo sa matud pa sa Korte Suprema sa gahum sa lehislatura bahin sa impeachment ni VP Sara Duterte.