Gisaway sa Catholic Bishops Conference of the Philippines (CBCP) ang Philippine Amusement Gaming Corporation (PAGCOR) tungod sa pagdagsang sa online gambling kon online nga sugal.
Sa mismong sulat ni CBCP president Cardinal Pablo Virgilio David ngadto kang PAGCOR chairman Alejandro Tengco, miluwat kini nga walay bili ang kita sa gobyerno kung makaguba kini og mga kinabuhi ug pamilya tungod sa bisyo sa online nga pagsugal.
Gikaingong ang ganansya kinahanglang dili mag-una kontra sa moral duty nga mao ang pagpanalipod sa kaayohan sa tanan.
Samtang, una nang miingon si Tengco, nga kung hingpit nang i-ban ang online gambling, mawad-an og kita ang gobyerno.
Kahinumdoman nga ang CBCP lakip sa daghang grupo nga nanawagan sa gobyerno nga hingpit nang wagtangon ang online gambling tungod sa negatibong epekto niini.