Nasunog ug gisundan ug daghang pagbusikad ang Singapore-flagged cargo ship nga Wan Hai 503 samtang paingon sa Mumbai nga hinungdan sa pagkahulog sa 40 ka container sa Arabian Sea ug pagpanglukso sa pipila ka crew sa dagat aron makaluwas.
Matod ni Shekhar Kuriakose sa Kerala State Disaster Management Authority, nahitabo ang insidente mga 144 kilometro gikan sa baybayon sa Kerala,India. Dunay 22 ka crew nga sakay sa barko ug 18 niini ang milukso sa dagat.
Base sa Indian Coast Guard makita ang baga nga aso gikan sa barko ug ang mga containers nga makita duol sa nasunog nga bahin.Sigon sa defense ministry nga ang barko nagpadayon pa og silaab ug naa sa dagat.
Wala pa matino kung unsa ang sulod sa mga container ug padayon pa ang imbestigasyon kon unsay hinungdan sa mga pagbusikad .Kahinumdumang sa niaging bulan, usa usab ka container vessel ang miunlod sa parehas nga rehiyon, nga hinungdan sa pagkahulog sa 100 ka container sa dagat, apan walay natala nga oil spill.