Makalingaw nga anekdota ang gipaambit ni Cardinal Luis Antonio Tagle bahin sa iyang pakighimamat kang Pope Leo XIV human sa papal conclave niadtong Biyernes, Mayo 9.
Matod ni Tagle, atol sa gipahigayon nga media conference human sa conclave, ang iyang pinakauna nga “charity” o buhat sa kalooy ngadto kang Pope Leo XIV mao ang pagdalit kaniya og candy.
Gisaysay niini, nga kabalo matud pa kini nga molungtad og taas nga oras ang proseso sa conclave, rason nga nagdala kini og mga candy.
Unang mitambong si Cardinal Tagle sa conclave niadtong 2013.
Nagdala kini og candy aron aduna kini makaon ug kini makasinati og gutom o pagsuol sa tiyan.
Niadtong conclave, dala na usab niya kini diin tapad niini si Cardinal Prevost, ug sa dihang namatikdan niini nga daw murag nagginhawa’g lalom si Prevost, mitanyag kini og candy.