Gilauman ni Mexican boxer Canelo Alvarez nga tugutan ang rematch kang US boxer Terrence Crawford.
Kini sunod sa kadaogan ni Crawford pinaagi sa unanimous decision sa ilang welterweight title fight.
Matod pa ni Alvarez, usa na ka kasaysayan ang maong duwa ug mas nindot pa kini kung itugot ang ikaduhang panagsangka, ug andam siya nga makigbisog pag-usab.
Nakahilak si Crawford sa dihang gi-anunsyo ni Michael Buffer nga siya ang nakadaog, diin ang mga hurado mipabor kaniya human sa 12 ka round.
Naghatag usab og pasidungog sa matag usa ang duha ka boksingeo tungod sa ilang gipakita nga kusog sulod sa boxing ring.
Gikonsiderar kini nga pinakadakong boxing match nga nahitabo sa US sukad sa pagdaog ni Floyd Mayweather batok ni Manny Pacquiao.
Ang 37-anyos nga si Crawford nahimong world champion sa lima ka dibisyon ug siya usab ang unang lalaki nga boksingero sa four-belt era nga nakoronahan nga undisputed champion sa tulo ka timbang ang junior welterweight, welterweight, ug super middleweight.
Kini usab ang unang higayon nga napildi ang 35-anyos nga si Alvarez sa super middleweight sulod sa 12 ka away.
Si Alvarez adunay record nga 63 ka kadaogan, tulo ka kapildihan, ug duha ka draw uban sa 39 ka knockouts, samtang si Crawford adunay 42 ka kadaogan, wala pa kapildihi ug adunay 31 ka knockouts.