Gipahibalo sa Ministry of Foreign Affairs and International Cooperation sa Cambodia nga wala sa nasud ang business tycoon ug pugante nga si Charlie Atong Ang.
Base sa opisyal nga report sa Immigration General Department sa Ministry of the Interior sa Cambodia, walay rekord nga misulod o migawas si Ang sa bisan unsang border checkpoints sa nasud.
“According to an official report from the Immigration General Department of the Ministry of the Interior of Cambodia, there is no record of Charlie Tiu Hay Ang’s entry or exit at any Cambodian border checkpoints,” pahayag sa ilang post.
Gihimo sa maong Ministry ang klaripikasyon human mitumaw ang mga balita nga posible nga nagtago si Ang sa Cambodia, dungan sa pagpadala og grupo sa mga Philippine police officers aron pangitaon ug dakpon siya.
“This clarification is issued to dispel recent media reports suggesting that Charlie Tiu Hay Ang may be hiding in Cambodia, while a team of Philippine police officers had been dispatched to search for him,”
Matod ni Interior Secretary Jonvic Remulla, respetuhon sa gobyerno sa Pilipinas ang pahayag sa Cambodia kabahin sa maong isyu. Bisan pa niini, iyang gipasiugda nga magpadayon gihapon ang pagpangita sa kapulisan kang Ang.
Kahinumduman nga una nang gipagawas ang mga warrant of arrest batok kang Charlie “Atong” Ang ug uban pa, kalabot sa lain-laing mga kaso sa kidnapping with homicide ug kidnapping and serious illegal detention, nga may kalabutan sa mga missing sabungero.