Natingala ug nahibong ang usa ka pamilya sa Jordan, Guimaras human makit-an sa ilang panimalay ang usa ka butiki nga adunay duha ka ulo.
Sa usa ka video, gisaysay nga ang pag-umangkon sa tag-iya una nagduda nga abog ra ang iyang nakita, apan nadiskobrehan nga usa kini ka buhi nga butiki.
Dayon ilang gidesisyunan nga atimanon ang maong hayop ug gibutang kini sa sudlanan, diin gipakaon nila kini og mga ulod.
Sumala sa mga eksperto, ang pagpanag-iya og duha ka ulo sa usa ka mananap gitawag og bicephaly.
Mahitabo kini kung ang usa ka embryo nga mahimong kambal wala nakahimo pagbulag sa hustong paagi.
Mas kasagarang makita ang kahimtang nga ingon ani sa mga reptilya kaysa sa mga mammals.
Matod pa, talagsa ra kaayo nga makit-an ang butiki nga adunay duha ka ulo.
Kadaghanan sa mga hayop nga adunay bicephaly lisod mabuhi sa ihalas, apan adunay tsansa nga magdugay ang kinabuhi kon naa sa pagkabihag ug pag-atiman.
Ang butiki nga nakuha sa pag-umangkon ni Ervin nakabuhi sulod sa duha ka semana apan namatay gihapon kini.
Bisan og nagbasol sila nga wala kini magdugay, nalipay gihapon ang pamilya nga nag-alima sila og usa ka talagsaong mananap nga siguro dili na nila makita pag-usab sa ilang kinabuhi.