Gipangandaman sa Bukidnon Second Electric Cooperative, Inc. ang katalagman lakip mga kalamidad nga muhapak dinhi sa lalawigan aron masiguro ang kaluwasan sa mga konsumedor ug ang padayon nga serbisyo sa sugang dagitabnon.
Matud ni Christopher Dulfo, General Manager sa BUSECO, nga ilang giandam ang Disaster Risk Reduction and Management Plan (DRRMP) nga naglatid panahon sa katalagman.
Lakip sa mga pagpangandam nga gibuhat ang clearing ug maintenance sa mga area sa mga lugar diin sagad maapektuhan. Gipaniguro usab sa BUSECO nga andam kanunay ang ilang mga linemen ug empleyado alang sa emergency response.
Giawhag usab sa BUSECO, ang mga kunsomedor sa ipahigayon nga ika-41 nga Annual General Membership Assembly (AGMA) sa tanang barangay sulod sa coverage area sa BUSECO.
Gipahibalo niini nga ang AGMA ipahigayon ugmang adlawa, sugod alas 8 sa buntag.
Sa maong aktibidad hisgutan ang operasyon, serbisyo, ug partisipasyon sa mga Member‑Consumer‑Owners (MCOs).
Subay niana, subling gipasabot sa BUSECO nga ang mga miyembro senior citizen nga adunay katungod nga makadawat og 5% nga diskwento sa ilang binulan nga bayrunon sa kuryente.
Apan giklaro ni Dulfo, nga aron maka-avail niini, kinahanglan nga ang account sa kuryente nakapangalan sa senior citizen ug ang ilang konsumo sa kuryente sa usa ka buwan dili molapas sa 100 kilowatt-hours (kWh).