Padayon ang pag-obserba sa Philippine Institute of Volcanology and Seismology (PHIVOLCS) sa Mount Kanlaon human ang pagbuto niini kaganinang hapon. Mga Gabay sa Lungsod at Lokal
Sumala sa PHIVOLCS, nagsugod ang pagbusikad pasado alas-4:38 sa hapon ug milungtad og mga duha ka minuto.
Nagpagawas ang bulkan og baga nga aso nga mi-abot og 2,000 metros ang kahabogon gikan sa ba-ba niini padulong sa habagatan-kasadpan tungod sa hangin.
Mi-awas usab ang pyroclastic density currents (PDCs) kon “uson” pa-ubos sa gawas nga bahin sa bulkan, sulod sa usa ka kilometro gikan sa summit crater.
Nagpabilin ang Alert Level 2, nga nagpasabot nga adunay padayon nga pag-alburuto rason nga gidili ang pagsulod sulod sa upat ka kilometro nga radius sa Permanent Danger Zone (PDZ) tungod sa peligro sa kalit nga pagbusikad, pag-ulan og abo, ug pag-awas sa delikadong volcanic materials.
Gipahimangnuan ang mga residente nga magpabiling alerto ug sundon ang mga pahimangno sa mga otoridad.
Tumang kahadlok usab ang gibati sa mga residente sa La Castellana, Negros Oriental human ang explosive eruption sa bulkang Kanlaon ilabina nga bag-o pa sa ilang panumduman ang katapusan niining pagbusikad.